Онлайн захиалга
HUNNU CONCRETE · 2011 ОНООС
Бетон зуурмаг үйлдвэрлэл, тээвэрлэлт, цутгалт.
Түүхий эдээс талбайн хяналт хүртэлх цогц үйлчилгээ.
БИДНИЙ ТУХАЙ
Хүннү Конкрет ХХК нь 2011 оноос бетон зуурмагийн үйлдвэрлэл, нийлүүлэлтийн чиглэлээр үйл ажиллагаа явуулж байна.
Бид төрийн болон хувийн хэвшлийн томоохон төслүүдэд бетон зуурмаг нийлүүлж, үйлдвэрлэл, лаборатори, авто баазаа үе шаттайгаар хөгжүүлж ирсэн.
Шинэ мэдлэгээр бүтээмжээ нэмэгдүүлж, хүнээ дээдэлсэн соёлыг төлөвшүүлэх нь бидний эрхэм зорилго. Чанартай бүтээгдэхүүн, ёс зүйтэй мэргэшсэн ажилтнууд, хариуцлагатай хамтын ажиллагааг эрхэмлэдэг.
ҮЙЛДВЭРЛЭЛ
Монгол Улсад анхдагч Duo Batch Plant — тус бүр цагт 180 м³ хүчин чадалтай, нэг байршилд залгаа угсарсан хоёр бие даасан зуурах шугам бүхий хос үйлдвэр. Нийт хүчин чадал 360 м³/цаг.
180 м³/цаг × 2 үйлдвэр
Хоёр үйлдвэрлэлийн шугамыг төв оффисын хяналтын өрөөнөөс нэгдсэн системээр бодит цагт алсаас удирдана.
Шугам бүр бие даан ажилладаг тул нэг шугамд саатал гарсан ч нөгөө шугам үйлдвэрлэлийг тасралтгүй үргэлжлүүлнэ.
Үйлдвэр төвийн цахилгаан сүлжээнд холбогдсон.
Сүлжээнээс цахилгаан тасрахад хоёр шугамыг бүрэн ачааллаар ажиллуулах хүчин чадалтай нөөц дизель генератор автоматаар асна. Ингэснээр үйлдвэрлэл тасалдахгүй.
36, 42, 55, 60, 70 метрийн авто помп болон авто суурин помптой.
Өөрийн 10 м³ багтаамжтай 20 миксер, гэрээт компанийн 12 м³ багтаамжтай 20 миксерээр нийт 40 машины тээвэрлэлтийн хүчин чадлыг бүрдүүлсэн.
Үйл ажиллагааны зохицуулагч нь Улаанбаатарын замын хөдөлгөөн, төсөл бүрийн цутгалтын хуваарьт тохируулан хүргэлтийг зохион байгуулдаг.
Төслийн нийлүүлэлтийн боломжийг захиалга өгөхдөө тодруулна уу.
ЧАНАР БА ЛАБОРАТОРИ
Түүхий эдээс эцсийн бүтээгдэхүүн хүртэл
Humboldt, Test Mark, CONTROLS, Proceq брэндийн тоног төхөөрөмжөөр түүхий эд болон эцсийн бүтээгдэхүүнд шинжилгээ хийдэг.
Лабораторийн өгөгдлийг REPORT360 болон Duo Batch Plant системд API холболтоор дамжуулах боломж нь үр дүнг нэгтгэж, бетон хольцын орц найрлагыг өөрчлөх ажлыг хялбарчилдаг. Мэргэжлийн баг үйлдвэрлэлийн үе шат бүрийг хянадаг.
Барилгын талбайд үзлэг хийх, дээж авч шинжлэх, бетоны бэхжилтийг тодорхойлох, цутгалт болон арчилгааны зөвлөгөө өгөх үйлчилгээг үзүүлдэг.
Түүхий эдийг үйлдвэрлэлд оруулахын өмнө туршиж, хэрэглэгчид хүрсний дараах бүтээгдэхүүний хяналтыг үргэлжлүүлнэ.
АНУ, Канад, Хятадын экспертүүдтэй туршлага солилцож, хамтарсан туршилт, сургалт семинар зохион байгуулдаг.
Хөдөлмөрийн аюулгүй ажиллагаа, жолоочийн сургалт, ажилтны ур чадвар болон ёс зүйг үйл ажиллагааныхаа үндэс болгодог.
ТЕХНОЛОГИ
2026 онд ISO 9001 чанарын удирдлага, ISO 45001 хөдөлмөрийн эрүүл мэнд, аюулгүй байдлын удирдлагын стандартыг нэвтрүүлсэн.
Дулааны цахилгаан станцын үнсийг бетон зуурмагт ашиглах туршилт, судалгаагаар бат бэх, эдэлгээ, эдийн засгийн үр өгөөжийг нэмэгдүүлэх боломжийг хөгжүүлдэг.
Түүхий эд материалын (ТЭМ) агуулах нь долоон тусгаарласан хэсэгтэй, нийт 50,000 м³ дүүргэгч материалыг нэг дор хадгалах багтаамжтай. Агуулахын талбайг бүхэлд нь бетон цутгалтаар тохижуулсан.
Камер болон мэдрэгчээр түүхий эд материалыг ялган хянаж, пүүлэх системээр жинлэн бүртгэсний дараа агуулахын зориулалтын хэсэгт нэвтрүүлнэ.
2026 оноос миксерийн дотор талыг угаасан усыг гурван шатны шүүлтүүрээр цэвэршүүлж, үйлдвэрт дахин ашиглаж байна. Энэ нь гүний усны хэрэглээг бууруулахад чиглэсэн технологи юм.
REPORT360
Захиалга, нийлүүлэлт, чанар, санхүүгийн
мэдээллээ REPORT360-оор хянаарай.
Үйлдвэрлэлийн мэдээллийг API интеграцаар REPORT360 системд шууд дамжуулна. Ингэснээр мэдээллийг гараар давхар бүртгэх шаардлагыг бууруулж, холбогдсон системүүдийн өгөгдлийг нэг дор хянах боломж бүрдэнэ.
Үйлдвэрлэлийн хэсгийн камерын дүрсийг системээс харах боломжтой. Ингэснээр үйлдвэрлэлийн явцыг өгөгдөл болон камерын дүрстэй уялдуулан хянана.
Төслийн өгөгдөл, нийлүүлэлтийн огноо, помпын сонголтоор захиалга үүсгэнэ. Баталгаажуулалтын төлөвийг хянаж, нийлүүлэгч зөвшөөрөхөөс өмнө захиалгын мэдээллийг шинэчлэн илгээх боломжтой.
Захиалгын, үйлдвэрлэлийн, талбайд хүргэсэн эзлэхүүнийг тулган хянаж, миксерийн GPS байршлыг харуулна. Хүлээн авалт, шалтгаантай буцаалт, ажил дуусгах хүсэлтийг нэг урсгалд бүртгэнэ.
Конусын суулт, бетоны температур, сорьц болон зургийг хүлээн авалтын мэдээлэлтэй холбон хянана.
Дотоод лабораторийн шинжилгээний үр дүнг бүртгэж, 7 ба 28 хоногийн шахалтын бат бэхийг графикаар харуулна. Бүтээгдэхүүний чанарыг дотоод лабораторийн шинжилгээ болон улсын итгэмжлэгдсэн БАК байгууллагын тамга, тэмдэг бүхий шинжилгээний хариугаар баталгаажуулна.
Гэрээний дүн, төлөлт, үлдэгдэл, бартерын тооцоог нийлүүлсэн эзлэхүүн болон марк тус бүрийн үнэтэй уялдуулан хянана. Гэрээ, он сараар өгөгдлийг шүүн гүйцэтгэлийг харьцуулна.
2015 оноос үйлдвэрлэл, миксерийн байршил, нийлүүлэлтийн явц, төлбөр тооцоо болон чанарын мэдээллийг цахимаар хянах систем нэвтрүүлж эхэлсэн.
ХЭРЭГТЭЙ МЭДЭЭЛЭЛ
PDF файлууд эх хэлээрээ нээгдэнэ.
ХАМТРАГЧ БАЙГУУЛЛАГУУД